I Messageri - A mio lettera

Corsican

A mio lettera

Dopu tant'anni ti vogliu scrive
Pè cuntà ti lu mio viaghju
Dà ti nutizie da l'altre rive
È l'ora quandu vulteraghju
 
Hè statu longu u caminu
Ma sempre listessa pena
Pare stampatu u destinu
Mi n'arricordu di a to lena
 
A mio lettera hè d'inchjostru
Duie filari d'amore nostru
Pè dì ti ch'o ti tengu caru
À chjar' di luna, à celu chjaru
 
A mio lettera, a mio lettera…
 
Ti vogliu scrive dopu tant'anni
Da cunfessà mi una volta
Sò crosci intinti li mio panni
Po a vita a m'anu tolta
 
Ùn sò più s'ella gira l'ora
S'ellu hè l'invernu o lu veranu
Ma face sempre u fretu fora
In fon'di core dà mi una manu
 
A mio lettera hè d'inchjostru
Duie filari d'amore nostru
Pè dì ti ch'o ti tengu caru
À chjar' di luna, à celu chjaru
 
Submitted by Hampsicora on Fri, 14/10/2016 - 16:03
Thanks!

 

 

Advertisement
Translations of "A mio lettera"
I Messageri: Top 3
Comments