Advertisement

I Surghjenti - Principessa

Corsican

Principessa

Eccu u mumentu nu i tempi,
Ciò chi si pienghji e mai ùn volta
In qual silenziu, qual miludia,
Circà l’incantu di issi ricordi?
 
Principessa à u sguardu di rena,
A u to Manteddu di soli
Teni ormai issi lacrimi di sali
Com’e passaghju di a timpesta.
 
Nunda hè firmatu pa cunsulà,
L’attrachju di i to pennuli chjusi.
Vicinu à u mari dulci à mora
Si hè compia tutta una eternità.
 
Principessa, nantu à i to labbri tristi
Si po leghja l’unica cirtezza,
Ch’e tu brami a divina carezza,
Urfanedda di l’alti cunfini.
 
Addiu à te stedda luntana
Di u gran libru di l’universu,
Chi «Fatum» ha incitatu
Un segnu stranu in a to storia.
 
Ma principessa se di a me vita
U più beddu fiori di nustalgia
Ch’eu ùn pudaraghju mai veda nascia
Un ghjornu in cori di e me veni.
 
Submitted by Hampsicora on Sat, 25/03/2017 - 15:38
Thanks!

 

 

Advertisement
Translations of "Principessa"
I Surghjenti: Top 3
Comments